Raportuesi për Shqipërinë në Parlamentin Europian, Knut Fleckenstein do të mbërrijë të hënën në Tiranë për një vizitë treditore, pas miratimit të rezolutës për Shqipërinë.

Vizita e nesërme  Fleckenstein e gjen të ndezur klimën politike, vecanërisht për shkak të protestës së opozitës, që tashmë është stacionuar në sheshin para Kryeministrisë, ndërkohë që reforma në Drejtësi dhe zgjedhjet parlamentare të 18 Qershorit do të jenë pjesë e rëndësishme e takimeve të raportuesit europian me përfaqësuesit e politikës.

Krahas politikanëve, Fleckenstein do të takojë Avokatin e Popullit, studentë dhe përfaqësues të shoqërisë civile.
Fleckenstein ka theksuar më herët se, nëse ka një zbatim të mirë fillestar të Reformës në Drejtësi, Brukseli do të procedojë me nisjen e negociatave mes BE dhe Shqipërisë.