Raportuesi i Shqipërisë në Parlamentin europian, Knut Fleckenstein në përfundim të vizitës së tij në Tiranë i kërkon opozitës të kthehet në parlament. Ai tha se “protesta është në të drejtën e njerëzve dhe në drejtën e opozitës. Por ama jam kundër bojkotit të Parlamentit. U bëj thirrje miqve të mi, deputetë të PD të kthehen në punë”, tha eurodeputeti, raporton Opinion.al.
Pjesë nga deklarata e Fleckenstein
Gjatë ditës së djeshme kam takuar personalitetet në Shqipëri, Ramën, Metën dhe Bashën. Kam takuar edhe përfaqësues të institutit të hapjes ë dosjet, ambasadorë, etj.
Reforma në Drejtësi
Më lejoni tju kujtoj se reforma në drejtësi nuk bëhet të kënaqë ne, pra Merkelin, Junkcerin, etj. por për gjykata dhe prokurori më të mira në Shqëipëri.
Pa reformën në drejtësi nuk luftohet krimi i organizuar dhe korrupsioni.
Ne ishim shumë të lumtur kur në korrik miratuat me 140 vota reformën në drejësi. Tani duhet të na tregoni nëse e kishit prej verteti këtë vendim të madh.
Procesi i Vetingut kështë kyç dhe them se nuk është kyç për të larguar prokurorët dhe gjyqtarët janë të korruptuar , por për tju siguruar integritet dhe kushte të mira pune atyre që e bëjnë punën me ndershmëri.
Ankesat e LSI
Kam takuar ministrat Vasili dhe Gjosha të cilët më kanë shprehur disa shqetësime për probleme teknike. Dëshiroj të ketë një marrëveshje mes BE dhe Shqipërisë. Gjosha ka të drejtë kur thotë se janë prbleme që mund të zgjidhen për dy ditë.
Protesta e PD
Unë nuk do të ndërhyj për protestën sepse është një ccështje e brendshme. Pra është e drejtë e opozitës dhe gjithashtu e drejtë e njerëzve të protestojnë. Bojkoti i Kuvendit është për mendimin tim jo mënyra e duhur dhe më duhet tu kërkoj miqve të mi në PD të kthehen në punë. Ky nuk është vetëm mendimi im, por edhe i Kukan, Hahn, Mogherinit apo i ambasdores në Tiranë Vlahutin.
Negociatat me BE
Natyrisht që dy gjërat kryesore që kemi diskutuar janë reforma në drejtësi dhe zgjedhjet, për këtë mund të na duhet më shumë kohë. Jam shumë i kënaqur që do raportoj në Parlamentin Europian atë që ne e quajmë raporti për Shqipërinë. Madje në rast se do të donit fakte e prova sesa shumë do PE që Shqipëria të përmbushë këto kushte, duhet të jeni aty të dëjgoni ato debate.
Do të thosha që të gjitha grupet në PE, përvec ekstremit të djathtë kanë folur për këto gjëra dhe nuk kanë fshehur faktin se ka shumë gjëra për të bërë. Madje ne kemi folur dhe i kemi bërë thirrje Këshillit Europian në mënyrë shumë të qartë dhe madje ne i kemi bërë thirrje KE që në rast se zgjedhjet do shkojnë si duhet dhe reforma në drejtësi do vazhdojë si duhet është normale që të çelen negociatat.
/Opinion.al
