Një “vampir” i vërtetë ka zbuluar se si pi ai gjak dhe nganjëherë fle në një arkivol pasi një ëndërr ndryshoi jetën e tij përgjithmonë. Në një rrëfim për “The Mirror”, një djalë nga Rumania i ka habitur të gjithë me mënyrën e tij të jetesës.
Andreas Bathory, nga Rumania, beson se vampirët nuk gjenden vetëm në filmat fiction – por në fakt ecin mes nesh.
Ai tha se herë pas here fle në një arkivol kur dëshiron të “lidhet me shpirtrat e të vdekurve”.
Andreas thotë se ai u vizitua nga një person në ëndrrën e tij, një njeri që ushqehet me gjak. Ai pretendon se është ‘zgjedhur’ për të përhapur mesazhin e tij.
Vampiri, që banon në skajet e “Kalasë së Drakulës”, në Transilvani, argumenton se pirja tradicionale e gjakut nuk është seksuale dhe “vampirizmi” i vërtetë nuk duhet të ngatërrohet me prurjet moderne të fetishit për gjakun .
Andreas tha: “Mbaj një distancë nga komuniteti modern i vampirave online.
“Ne ruajmë traditat që janë më shumë se 600 vjeçare. Komuniteti modern i vampirëve është plot praktika seksuale që punojnë kundër natyrës së ekzistencës së vetes më të lartë të vampirëve. ”
“Vampirët e vërtetë, nuk përmbushin veten përmes devijimit seksual, fetishit të gjakut, ose BDSM. Kjo nuk është mënyra e vampirëve”, përfundoi ai. /Opinion.al
