Klubi i Flamurtarit vazhdon luftën e hapur kundër FSHF-së për sa u përket vendimeve që prodhojnë organet juridike të këtij institucioni, më saktësisht Komisioni i Disiplinës i cili ka dërguar ultimatume për shlyerjen e borxheve që kanë vlonjatët ndaj personave të tretë. Nëpërmjet një shkrese drejtuar FSHF-së, klubi ka bërë…
Klubi i Flamurtarit vazhdon luftën e hapur kundër FSHF-së për sa u përket vendimeve që prodhojnë organet juridike të këtij institucioni, më saktësisht Komisioni i Disiplinës i cili ka dërguar ultimatume për shlyerjen e borxheve që kanë vlonjatët ndaj personave të tretë. Nëpërmjet një shkrese drejtuar FSHF-së, klubi ka bërë të qartë që do të ndjekë rrugët ligjore për të zgjidhur çdo çështje, duke mos ngurruar të akuzojë institucionin e futbollit se po e dëmton ekonomikisht nëpërmjet qëllimeve “korruptive, të njëanshme dhe antiligjore”.
“Në mënyrë të përsëritur, FSHF me organet e saj ligjore dhe stafin ka shqyrtuar dhe gjykuar çështje në shkelje flagrante të ligjeve, statuteve dhe rregulloreve të saj, FIFA-s dhe shtetit shqiptar, deri duke mohuar të drejtat thelbësore procedurale, duke arritur në përfundime dhe vendime që nuk përmbushin standardet e gjykimeve të drejta dhe të paanshme, duke krijuar jo vetëm dëme ekonomike, por edhe duke dëmtuar kështu në mënyrë të padrejtë imazhin e Flamurtari FC”, shkruhet në këtë shkresë ku vlonjatët vënë theksin sidomos mbi dokumentet e publikuar së fundmi rreth ultimatumeve ndaj klubit.
“Publikimi i tyre tregon qartë qëllimin korruptiv dhe njëanshmërinë antiligjore të FSHF dhe organeve të saj’, shkruhet në shkresën e klubit, e cila mbyllet me kërcënimin se këtë çështje do ta ndjekë në rrugë ligjore. /panoramasport
