Pas përfundimit të seancës plenare, ish-kryeministri Sali Berisha ka dalë në një deklaratë për mediat ku tha se kryeministri Edi Rama nuk lejon ngritjen e komisioneve hetimore.
Në fjalën e tij para gazetarëve Berisha thekson se Rama është flamuri i zi i korrupsionit.
Ndër të tjera ai shtoi se opozita po bën një betejë të fortë për qytetarët në Kuvend.
“Me akte të turpshme antiligjore po cenohet jeta parlamentare. Opozita po bën një betejë në emër të qytetarëve, në të cilën kërkon rivendosjen e të drejtave kushtetuese të deputetëve të opozitës në parlament.
Edi Rama ka anuluar dhe pezulluar komisionet parlamentare, pas ai vetë është flamuri i zi i korrupsionit në vend. Ai favorizon dhe pasuron anëtarët e familjes së tij. Ai është personi për të cilin OSBE deklaroi se ka të fshehura 200 milionë euro në banka off-shore.
Kjo betejë është pa kthim. Nuk vazhdohet më tutje. Carlo Bollino ju mashtron, merr tezat nga Edi Rama. Unë nuk po përdor parlamentin. Parlamentin e kam përdorur gjithmonë për qytetarët. Ai ka rrëmbyer 5 mijë metra katrorë për të ndërtuar me Edi Ramën pallatin.
Pa mbrojtjen e kushtetutës nuk mbrohen dot shqiptarët nga kriminelë si Edi Rama dhe placckitës si Carlo Bollino.
Mazhoranca mund të përjashtojë, por popullin nuk e përjashton kurrë mazhoranca. Ne jemi të vendosur të mbrojmë pluralizmin në parlament.”, u shpreh Berisha.
