Duke dalë nga Drejtoria e Policisë së Tiranës, deputeti demokrat Flamur Noka ka thënë se kur janë ngjitur për të takuar drejtorin, kanë gjetur gjithë kupolën drejtuese të Policisë së Shtetit “si një tufë derrash të zhytur në uiski”. Noka tha se deputetët kanë bërë edhe video.
“Pasi çuam njoftim zyrtar, edhe në mënyrë elektronike, nuk na pritën. Hipëm sipër dhe ç’të shihnim, kupola e policisë, drejtori, nëndrejtori, vartësit e tij, i gjetëm si një tufë derrash të zhytur në uiski. I kemi të filmuar si ishin shtruar, e nga ana tjetër na lanë duke pritur pa dhënë asnjë sqarim. Keni parë se si janë dhunuar dhe si janë keqtrajtuar protestuesit. Numri i të arrestuarve është shtatë veta deri tani. Absolutisht nuk kanë asnjë fakt, nuk ka pasur dhunë”, u shpreh ai.
