Ishulli i Korfuzit është përfshirë nga flakët e zjarrit.
Opinion.al ka siguruar disa pamje nga Saranda, nga ku duken qartë zjarret që kanë përfshirë Korfuzin.
Sipas mediave greke, mësohet se janë 5 vatra zjarri dhe se flakët janë përhapur në zonën e Perithisë në veri të ishullit.
Në vendngjarje kanë shkuar forca të shumta të zjarrfikësve të cilët përpiqen të vënë nën kontroll zjarret.
Ndërkohë edhe në ishullin e Rodosit, situata paraqitet tepër alarmante ku mijëra banorë janë detyruar të braktisin vendbanimet e tyre, pasi flakët e zjarrit janë përhapur me shpejtësi./Opinion.al
