Policia e Shtetit ka dalë sot në një konferencë për mediat, ku ka dhënë detaje rreth megaoperacionit policor ‘Flakë në det’.
Drejtori i Policisë së Shtetit, Muhamet Rrumbullaku njoftoi se gjithçka nisi pas zbulimit të një rrjeti të trafikut të drogës në Patok, ku u pikasën dy mjete lundruese që shkëmbenin ‘mallin’.
Gjatë fjalës së tij, ai bëri me dije se janë shpallur në kërkim shtetasit: Gëzim Çela, Arben Dalipaj banues në Vlorë dhe Roland Guzo banues në Durrës.
Sipas tij këto persona ndodhen jashtë vendit, por policia po punon për kapjen e tyre.
“Në vijim të hetimeve, të kryera nga hetimet në bashkëpunim me SPAK, ka caktuar masën e sigurisë arrest me burg për trafik narkotikësh për grup të struktura kriminale për Gëzim Çelën, Arben Dalipaj banues në Vlorë, Roland Guzo banues në Durrës. Dritan Metaj, shefi i policisë Laç, i cili është arrestuar. Tre të tjerët janë shpallur në kërkim. Në bashkëpunim po punohet për lokalizimin dhe kapjen e tyre. Rezulton se janë Shqipërisë”, deklaroi ai.
Ai gjithashtu deklaroi se është provuar që shefi i komisariatit të Laçit, Dritan Meta ka qenë i përfshirë në grupin e strukturuar kriminal.
“Kemi një vendim të Gjykatës të Posaçme, gjithçka që është vënë në dispozicion të prokurorëve do të thotë që kemi dokumentuar të gjithë rolin dhe përfshirjen e tij në mbështetje të grupit të strukturuar kriminal. Për hollësi të mëtejshme ia lëmë hetimit”, tha Rrumbullaku./Opinion.al
