Deputeti Myslym Murrizi ka kërkuar publikisht falje për fjalorin e tij fyes ndaj fëmijëve me sindromën Down.
“I kërkoj falje të gjithëve atyre që kam fyer”, tha publikisht Murrizi, në një deklaratë për mediat nga Kuvendi.
“Unë ndjej keqardhje dhe përgjegjësi për lëndimin që i kam shkaktuar, ndaj jam sot para medieve për të kërkuar falje për të gjithë të indinjuarit nga komunikimi im në Facebook. Dhe për t’i garantuar ata se si deputet do të kenë mbështetjen time të përhershme”, shtoi nënkryetari i Kuvendit.
Një ditë më parë, jashtë dyerve të Parlamentit protestuan përfaqësues të fondacionit “Down Syndrome Albani”a, kundër gjuhës denigurese të nënkryetarit të Parlamentit Myslym Murrizi.
Ky i fundit teksa komentonte në rrjetet sociale, u kap me një komentues, duke përdorur edhe termin ‘Down’. /Opinion.al
