Fakulteti i Ekonomisë, ai Juridik, Shkencave Sociale dhe Gjuhët e Huaja të Universitetit të Tiranës kanë shpallur listën e fituesve në këtë fazë të parë. Dekanët respektive kërkojnë te qetësojnë kandidatët për studentë duke u thënë se gjatë gjithë kohës stafet drejtuese të Fakulteteve do të jenë në gatishmëri. Pasi shpallen fitues, të rinjtë duhet të regjistrohen në programin përkatës, ndërsa zbritja e vijës së kuqe që është pragu i hyrjes, ndahet në 7 faza dy ditore secila.
Katër Fakultete të Universitetit të Tiranës, Fakulteti Ekonomik, ai Juridik, Shkencat Sociale dhe Gjuhët e Huaja kanë shpallur listën e fituesve për në Universitet.
Kjo listë me ID përkatëse gjendet në faqen e internetit të Fakulteteve, ndërsa dekanët respektive u kërkojnë maturantëve të ruajnë qetësinë për të bërë zgjedhjen që ata duan.
Dhori Kule: Janë të gjitha mundësitë që tu vijë rradha të paktën çdo të jenë me mestarare mbi 7.5 në Fakultetin e Ekonomisë, të rrinë të presin pa u trembur sepse do të bëhen studentë të Fakultetin tonë.
Artan Hoxha: Studenti i Juridikut vjen dhe regjistrohet në Fakultetin Juridik jo në disa degë sikurse ka Ekonomiku, Shkencat Sociale, Gjuhët e Huaja apo Fakultet e tjera.
Për secilin nga Fakultetet ka degë të përzgjedhura më pasivisht nga kandidatët për studentë.
Dekanët publikuan gjithashtu edhe kuotat boshe që pritet të plotësohen në fazat pasardhëse.
Dhori Kule: Të gjithë të regjistrohen fituesit e shpallur mbeten rreth 400 vende bosh. Të gjithë ata kur të fillojë regjistrimi në datën 29 meqenëse procedurat janë 48 orëshe nuk duhet të shqetësohen, nuk duhet ti kapë paniku se u iku rradha dhe shkojnë të regjistrohen atje ku nuk e kanë dëshirë të parë të tyren.
Artan Hoxha: Nëse ne sivjet do të regjistronim 400 studentë, gjithësesi ne na mbeten rreth 300-350 kuota të palotësuara.
I gjithë procesi i regjistrimeve, çregjistrimeve dhe uljes së vijës së kuqe, që është edhe pragu, përbehet nga 7 faza dy ditore.
Fakultetet e tjera pritet që listën e fituesve ta shpallin ditën e hënë në datën 28 gusht, për të nisur regjistrimet në datën 29 gusht./OraNews
