Partia Socialiste ka fituar në të 6 bashkitë e qarkut të Korçës.
I shoqëruar nga kandidatët fitues, drejtuesi politik i PS për qarkun e Korçës, Niko Peleshi ka folur në një dalje për mediat.
Rezultati 6 me 0, sipas tij është një fitore e madhe edhe për nga thellësia dhe diferenca e votave në të gjitha bashkitë.
Ai tha se vota ka qenë obligim për secilin prej kandidatëve dhe bëri me dije se do të nisin që nga dita e nesërme për të bërë realitet çdo premtim që kanë bërë.
“Vijmë këtu me një rezultat të plotë, ne i kemi fituar të 6 bashkitë. Rezultati është 6 me 0, kjo është një fitore e madhe edhe për nga thellësia dhe diferenca e votave në të gjitha bashkitë. Kemi një diferencë kuptimplotë. Kandidatët tanë kanë fituar me mbi 60 përqind, apo 70 përqind. Megjithatë unë dua ta them që në fillim, askush nga ne nuk e përjeton si një triumf i disave kundër disa të tjerëve, ky nuk është një triumf i tanëve kundër të tyre sepse në fund fare ata që kanë fituar janë qytetet dhe fshatrat tona. Qytetarët pavarësisht nga përkatësia politike, sot kanë arsye të gëzohen sepse kemi bërë një fushatë shumë qytetar, dinjitoze, nuk i kemi ndarë…
Të gjithë kanë një të përbashkët, dashuria për qytetin, për fshatrat, për njerëzit. Ata vijnë nga puna e palodhur dhe nga nesër i pret përsëri puna. Vota ka qenë obligim shumë i madh për secilin prej nesh për t’iu futur punës pa humbur kohë, që nesër, për të bërë realitet çdo premtim dhe për t’i tejkaluar premtimet siç e kemi zakon”./Opinion.al
