Rajoni

Kurti: Nuk kemi nevojë për ata që duhet të reformohen në opozitë


Bëhu pjesë e Grupit Zyrtar të Opinion.al
>> KËTU <<
               Publikuar në : 23:48 - 14/02/21 |
Opi Nion

Lëvizja Vetëvendosje është forca e parë politike në zgjedhjet e 14 Shkurtit në Kosovë.

Albin Kurti dhe Vjosa Osmani, si aleatë të kësaj fitoreje kanë bërë një dalje për mediat.

I pyetur nga gazetarët, Kurti la të kuptohet që partia e tij do ta krijojë qeverinë pa koalicione të tjera, veç atij me Vjosa Osmanin.

“Ky rezultat na konfirmoi se nuk kemi nevojë për ata që duhet të reformohen në opozitë”, tha Kurti.

Në fjalën e saj Osmani tha se Kosova votoi për një të ardhme faqebardhë për qytetarët e saj, ndërsa iu drejtua Albin Kurtit si Kryeministër.

“Ky nuk është një mandat për hakmarrje dhe as mandat i kthimit pas. Është mandati kur ne ndërrojmë historinë tonë të përbashkët, garantojmë mirëqenie, luftojmë korrupsionin, sigurojmë drejtësinë dhe punojmë me zell të madh për barazinë” tha Osmani.

Ndërkohë, lideri i LVV tha se këto zgjedhje ishin një referendum.

“U vërtetua që zgjedhjet ishin referendum. Qytetarët me orë të tëra kanë qëndruar në acar, kanë udhëtuar dhe kanë qëndruar një kohë të gjatë nëpër borë për të votuar. Ky referendum për drejtësi dhe punë kundër kapjes së shtetit dhe korrupsionit, u vërtetua”, tha Kurti.

Duke folur për reformimin që duhet të bëjnë partitë opozitare, Kurti tha ndër të tjera se qeveria e tij do të kërkojë përgjegjësi nga secili.

“Nuk do të hakmerremi ndaj askujt, por do të kërkojmë përgjegjësi nga secili dhe për këdo”, tha ndër të tjera Kurti./Opinion.al

 

Pas