Drejtuesi i Partisë Demokratike për qarkun e Fierit, Gazment Bardhi ka reaguar për herë të parë lidhur me rezultatin e këtyre zgjedhjeve parlamentare në këtë qark.
Përmes një reagimi në rrjetet sociale, Bardhi falenderoi mbështetësit demokratë, por thekson se është zemërthyer se zgjedhjet nuk ia dolën të shprehin vullnetin real të qytetarëve.
Sipas tij, në Fier kishin përballë një bandë ministrash dhe drejtorësh të korruptuar. Bardhi paralajmëron se demokratët do të qëndrojnë së bashku të panënshtruar sepse Shqipëria ka nevojë për njerëzit e lirë.
“Një falenderim zemre! Me zemër të thyer se zgjedhjet e 11 Majit nuk ia dolën të shprehin vullnetin real të qytetarëve, dua të falenderoj me përulësi të gjithë ata demokratë dhe mbështetës të opozitës që i besuan votën Partisë Demokratike! Në qarkun e Fierit, ne ishim njerëzit e lirë përballë një bande ministrash dhe drejtorësh të korruptuar, që përdorën shtetin dhe krimin e organizuar për të ruajtur pushtetin! Ju falenderoj me zemër për qëndresën dhe besimin! Një falenderim të veçantë për strukturat e Partisë Demokratike, komisionerët, vëzhguesit dhe numëruesit e palodhur! Ne do të qëndrojmë së bashku të panënshtruar sepse Shqipëria ka nevojë për njerëz të lirë”, shkroi Berisha.
Kujtojmë që në Fier, Partia Demokratike ka fituar vetëm 4 deputetë ndërsa Partia Socialiste 12 deputetë.
