Real Madridi ka marrë një fitore të vështirë por shumë të rëndësishme në sfidën përballë Athletic Bilbaos në ndeshjen e vlefshme për javën e 28-të të La Ligas spanjolle.
Të besuarit e Zinedine Zidanes kanë triumfuar 2-1 dhe tashmë shkëputen akoma edhe më shumë nga Barcelona e vendit të dytë.
Për “Los Blancos” shënuan Karim Benzema dhe Casemiro, ndërsa për vendasit mendoi Aritz Aduriz.
Pas kësaj fitore, Reali shkon në kuotën e 65 pikëve, 5 më shumë se Barcelona, që nesër përballet në “Camp Nou” me Valencian.
