Nastasia Urbano ish-modelja e cila fitonte 1 milion dollarë në vit në kulmin e karrierës së saj duke pushtuar kopertinat e “Vogue”, tani është e pastrehë dhe jeton rrugëve të Barcelonës.
Sipas “Daily Star” në moshën 20-vjeçare, bukuroshja spanjolle pozonte për kopertinën e revistës “Vogue” në Evropë dhe u transferua në Nju York ku u mor nga agjencia e famshme Ford Models.
Nastasia Urbano ishte pjesë e fushatave të modës me supermodelet e njohura si Linda Evangelista, ishte fytyra e parfumit ikonik Opium të “Yves Saint Lauren” dhe darkonte me Jack Nicholson dhe Andy Warhol në vitet 1980.
“Një ditë isha duke ngrënë darkë me Jack Nicholson, ditën tjetër me Andy Warhol ose edhe me Roman Polanski. Shkoja në të njëjtën festë me Melanie Griffith, Don Johnson, Simon dhe Garfunkel.” thotë ish- modelja.
Por edhe pse kishte gjithçka, për modelen Nastasia Urbano jeta ndryshoi kur u takua me burrin që u bë bashkëshorti dhe babai i fëmijëve të saj. Ish-modelja thotë se ai i mori gjithçka, nga zemra tek pasuria.
“E vetmja gjë e mirë nga ajo marrëdhënie kanë qenë fëmijët e mi, pjesa tjetër ishte e tmerrshme. Ai paguante gjithçka me paratë e mia. Vetëm dy ditë pas njohjes ai donte që unë t’i blija një BMW dhe unë, si një budallaqe, unë nënshkrova një çek. Isha e dashuruar!”
Ish-modelja tani vuan nga depresioni dhe jeton rrugëve të Barcelonës, duke u ushqyer e veshur me gjëra të dhuruara./E.M
