Kubrat Pulev, boksieri i peshave të rënda, gjatë një interviste ka puthur në buzë gazetaren e Vegas Sports Daily, Jennifer Ravalo.
Pulev i entuziazmuar për fitoren e tij në raundin e shtatë ndaj Bogdan Dinu, nuk mundi të përmbajë dot veten.
Puthja u filmua “Live”, ndërsa incidenti ndodhi pasi gazetarja e pyeti nëse mund të përballej me ish-kampionin e botës Tyson Fury në të ardhmen.
Pulev u përgjigj me “po”, para se të puthte me forcë Ravalon.
Ravalo tha se incidenti ishte i turpshëm. Por në një postim në rrjetet sociale, Pulev pretendon se janë miq dhe bënë shaka për puthjen.
“Gazetarja, Jenny është një mike e imja dhe pas intervistës isha aq shumë i gëzuar saqë i dhashë një puthje. Më vonë atë natë, ajo na u bashkua mua dhe shokëve të mi në festën e fitores. Në video, pas puthjes të dy qeshëm dhe falënderuam njëri-tjetrin. Me të vërtetë që nuk ka asgjë tjetër,”-shkroi ai./ Opinion.al E.Xh.
