Ministri i Brendshëm, Bledi Çuçi ndodhet në një vizitë në Britaninë e Madhe, ku ka takuar edhe homologen e tij, Priti Patel. Dy ministrat e Brendshëm kanë nënshkruar edhe një marrëveshje në Londër.
Në bazë të kësaj marrëveshje, Policia e Shtetit shqiptar do të ketë akses në databazën e ADN-s së shqiptarëve të dënuar në Britaninë e Madhe.
Marrëveshja është bërë e ditur nga vetë ministrja e Brendshme britanike, e cila përmes një postimi në rrjetin social “Twitter” bën me dije se një gjë e tillë ka për të përshpejtuar hetimet për krimin e organizuar.
“E lumtur për takimin me Bledi Çuçin këtë pasdite. Shqipëria është një partner kyç në trajtimin e disa prej sfidave më të mëdha me të cilat përballemi, nga migrimi i paligjshëm te krimi i organizuar.
Sot ne nënshkruam një marrëveshje të re për të ndarë ADN-në mes forcave të rendit, për të përshpejtuar hetimet penale”-shkruan ministrja e Brendshme britanike./Opinion.al
Delighted to meet @bledicuci this afternoon. Albania is a key partner in tackling some of the biggest challenges we face, from illegal migration to organised crime.
Today we signed a new agreement to share DNA between law enforcement, to speed up criminal investigations ???? pic.twitter.com/VfGkxun2dT
— Priti Patel (@pritipatel) November 29, 2021
