Procter & Gamble ka tërhequr nga tregu më shumë se 30 produkte për kujdesin e flokëve, ku përfshihen kryesisht spraj të ndryshëm, shampo dhe balsamë, ndërsa ka paralajmëruar se produktet mund të përmbajnë benzen, një agjent që shkakton kancer.
Artikujt e prekur përfshijnë produkte të ndryshme të firmave Pantene, Herbal Essences, Hair Food, Old Spice dhe Aussie sipas njoftimit të tërheqjes të së premtes, i cili është i dyti i P&G brenda një muaji. Një listë e plotë e produkteve të tërhequra është e disponueshme në faqen e internetit të kompanisë, duke përfshirë numrat e kodit të prodhimit të prekur nga tërheqja.
P&G tha në një deklaratë se produktet e prekura ka të ngjarë të mos i ekspozojnë njerëzit ndaj niveleve të benzenit aq të larta sa të shkaktojnë probleme shëndetësore. Sidoqoftë, kompania vuri në dukje se nuk “ka marrë asnjë raport për ngjarje të padëshirueshme”, por po vojon me tërheqjen si nj masë parandaluese./Opinion.al
