“Diçka e madhe po ndodh!”, kështu e njoftoi Fiori Dardha lajmin se shumë shpejt do të martohej me një dasmë të vërtetë.
Prezantuesja e njohur bashkëjeton prej vitesh me partnerin e saj, regjisorin Donard Hasani, me të cilin ka edhe një djalë, Abelin, por dasma e tyre do të vijë vetëm tani. E ndërsa të gjithë e dimë që Fiori do bëj dasmë, madje janë zbuluar edhe disa detaje nga kjo ceremoni, me gjasa pak e dinë datën.
“Xing.al” ka zbuluar se ceremonia do të mbahet më 11 mars, një datë e veçantë për prezantuesen. Ajo ka zgjedhur pikërisht këtë ditë, duke qenë se është e afërt me ditëlindjen e djalit të saj, i cili më 9 mars mbush 5 vjeç.
