“Mbulohu mirë se bën ftohtë.” Është kjo këshilla që prindërit u japin fëmijëve përpara se të dalin nga shtëpia. Për ne, ndoshta temperatura pranë zeros është një i ftohtë i papërballueshëm, por diçka e tillë nuk duket se ndodh në Finlandë.
Mbi një mijë nxënës të “Metsokangas Comprehensive School” në Oulu, qytet i Finlandës perëndimore, zgjedhin të shkojnë në shkollë me biçikletë megjithëse temperatura shënon -17 gradë celcius.
Fotoja e Pekka Tahkola po bën xhiron e botës. Jashtë godinës së shkollës, në sheshin e mbuluar nga dëbora, shihen biçikletat e shumta që përdoren nga nxënësit. Nga 1200 nxënës të regjistruar në shkollë, që variojnë nga mosha 7 deri në 17 vjeç, 1000 zgjedhin vazhdimisht biçikletën si mjet primar transporti.
“Kemi bërë një studim për të parë se sa shumë nxënësit e përdorin biçikletën, dhe rezultatet në Oulu janë më të mirat”, tha Pekka Tahkola, një inxhiniere që merret me lëvizjen “smart”.
