“Finlanda do të anëtarësohet në NATO të martën”, kështu ka bërë me dije Presidenca finlandeze.
Sekretari i Përgjithshëm i NATO-s Jens Stoltenberg ka konfirmuar lajmin, ku ka njoftuar ditën e sotme se Finlanda do t’i bashkohet zyrtarisht aleancës të martën.
“Kjo është një javë historike. Nesër do të mirëpresim Finlandën si anëtarja e 31-të e NATO-s. Do të ngremë flamurin finlandez për herë të parë këtu në selinë e NATO-s”, tha Stoltenberg.
Ai vuri në dukje se Finlanda do të bëhet një “anëtare e plotë” e aleancës më 4 prill dhe do të sjellë aftësitë e saj në NATO.
Flamuri finlandez do të ngrihet në selinë e NATO-s, në një ceremoni të mbajtur gjatë ditës së martë në orën 15:30.
Bëhet me dije nga mediat e huaja se ka qenë Turqia anëtarja e fundit e NATO-s, e cila ratifikoi pranimin e Finlandës në aleancën ushtarake./Opinion.al
