Rusia të martën shpalli persona “non grata” dy diplomatë finlandezë një veprim ky hakmarrës, pasi Helsinki dëboi dy diplomatë rusë në prill.
Në një deklaratë Ministria e Jashtme ruse tha më 17 maj ka thirrur në një bisedë ambasadorin finlandez në Rusi, Antti Helantera, për ta informuar atë për këtë vendim. Moska tha se këtë vendim e ka marrë për shkak të “kursit konfrontues të Finlandës karshi Rusisë”.
Finlanda i ka ofruar armë Ukrainës, ndërsa pritet që ligjvënësit në Helsinki gjatë ditës së sotme të mbështesin aplikimin për anëtarësim në aleancën ushtarake të NATO-s.
Muajin e kaluar, Finlanda dëboi dy pjesëtarë të stafit të ambasadës ruse në Helsinki./Opinion.al
