Suedia dhe Finlanda kanë rënë dakord të shpallin aplikim të njëkohshëm për anëtarësim në aleancën e NATO-s në mesin e muajit të ardhshëm.
E përditshmja finlandeze Iltalehti tha të hënën se Stokholmi “u kishte sugjeruar të dy vendeve të tregonin gatishmërinë e tyre për t’u bashkuar në të njëjtën ditë dhe se Helsinki kishte rënë dakord “për sa kohë që qeveria suedeze ka marrë vendimin e saj”.
Gazeta suedeze Expressen citoi burime qeveritare që konfirmonin raportin. Kryeministrat e të dy vendeve thanë këtë muaj se ata po diskutonin çështjen, duke argumentuar se pushtimi rus i Ukrainës kishte ndryshuar “të gjithë peizazhin e sigurisë” të Evropës.
PoGatë një vizite në Suedi në fillim të këtij muaji, kryeministrja finlandeze Sanna Marin tha se “gjithçka kishte ndryshuar” kur Rusia sulmoi Ukrainën. Homologia e saj suedeze, Magdalena Andersson, tha se Suedia duhej të ishte “e përgatitur për të gjitha llojet e veprimeve nga Rusia” dhe se “gjithçka kishte ndryshuar” kur Moska sulmoi Ukrainën.
Kujtojmë se Rusia i ka paralajmëruar vazhdimisht të dyja se është kundër anëtarësimit të tyre në NATO.
Kremlini tha se do të detyrohej të “rikthejë ekuilibrin ushtarak” duke forcuar mbrojtjen e tij në Balltik, duke përfshirë vendosjen e armëve bërthamore, nëse të dy vendet vendosin i bashkohen NATO-s.
