Deputeti i Partisë Demokratike, Gazment Bardhi, e quajti thashethem, lajmin e publikuar në mediat e huaja, sipas të cilave Rusia ka financuar PD me 500 mijë dollarë në vitin 2017, kohë kur drejtohej nga Lulzim Basha.
Në një deklaratë për mediat, Bardhi u shpreh se nuk ka asgjë të re në lidhje me këtë çështje, por sipas tij është një lajm i ripërsëritur.
“Ai lajm nuk është i ri , ai është një lajm dhe thashethem i bërë prej kohësh që ka marrë një përgjigje nga Basha dhe s’kam një koment shtesë.
Nëse lexon artikullin thotë që është thashethem. Mediat që financohen nga paratë e oligarkëve të lutëm më shumë interes për këto. Këtyre mediave iu referohem unë të cilat janë bërë njësh me sistemin, të cilët vazhdojnë dhe riciklojnë të njëjtën përgjigje.
Nuk thash as nuk e besoj VOA as e besoj, sikudër paralelja që hiqni ju nuk qëndron. Për Berishën ka vendim të DASH për në parneteriteti me SHBA është i një rëndësie strategjike. PD nuk thash asgjë nga komentet që ju i jepni mundësi vetes. Unë nuk thash as uk e besoj dhe as nuk mbajta qëndrim. Është një e dhënë e ripërsëritur. Nuk kishte asnjë dokument apo të dhënë shtesë të ndryshme nga ato që publiku shqiptar ka dhënë më parë. në 2017 nuk kam patur asnjë funksion në PD-’- tha Bardhi..
Më herët për ketë çështje reagoi edhe ish-kreu i PD Lulzim Basha, i cili ishte kryetar i Partisë Demokratike në vitin 2017.
Ai theksoi se PD-ja nuk ka marrë asnjë financim të huaj, aq më pak nga Rusia.
