Në emisionin “Opinion” në Tv Klan, kreu i FSHF Armand Duka shprehet optimist se mundësitë që Shqipëria mund të organizojë finalen e Superkupës Europiane.
Duka zbulon se kandidatura është hedhur për në vitin 2028 dhe ndonëse është i vetëdijshëm për vështirësitë, mendon se mundësia ekziston.
Armand Duka: Nuk ishte rastësore, ka kohë që ne kemi filluar të vëmë radhën që edhe ne mund të jemi një vend kandidat për Superkupën. Maksimumi që mund të realizojmë në kushtet që janë, dhe Superkupa ka vështirësitë e veta të kapacitetit të stadiumit sepse gjithë të tjerat janë okej. Uroj që në 2028 Superkupa mos të bëhet me 4 skuadra se mbase pastaj bëhet e pamundur, por të jetë me një finale siç është edhe tani.
Blendi Fevziu: Me një finale, Tirana ka shanse ta marrë. Për cilin vit bëhet fjalë?
Armand Duka: Kapaciteti i stadiumit është disi i limituar. Kërkesa jonë është për në vitin 2028 sepse për në 2027 edhe ne e kemi të pamundur sepse kemi kampionatin europian të 21-vjeçarëve.
Blendi Fevziu: Megjithatë, stadium prej 20 mijë vetësh kam përshtypjen është shumë i vogël për një finale europiane.
Armand Duka: Finalja e Superkupës luhet në gusht. Interesi gjithmonë varet nga ekipet që janë. Këtë vit u luajt në Udine ku ishte PSG dhe Tottenham, kishte goxha interes. Edhe në një stadium të tillë, pavarësisht se ka kritere…
Blendi Fevziu: Opinioni i Ceferin dhe pjesëtarëve të tjerë?
Armand Duka: Këtë doja të thosha. Duke pasur parasysh ata që vendosin dhe vlerësojnë organizimin dhe mikpritjen shqiptare, mund të jetë një gjë më tepër.
