Finalja e Kupës së Shqipërisë do të mbyllë sezonin e futbollistik në Shqipëri. Skënderbeu dhe Tirana do të luajnë mbrëmjen e së mërkurës për këtë trofe pas një kampionati që solli atë që kërkonin. Skuadra korçare edhe pse nuk e mori titullin kampion këtë sezon synon që të triumfojë në kupë për herë të parë në historinë e klubit. Trajneri Ilir Daja kërkon këtë vlerësim që të mos mbyllin sezonin pa trofe.
“Nëse nuk e fitojmë këtë trofe pak kaq vitesh me tituj, mund të quhet një dështim”.
Trajneri i Skënderbeut nuk e shikon Tiranën si një rival të dorëzuar, pas rënies nga kategoria.
“Nuk duhet ta nënvlerësojmë Tiranën pavarësisht asaj që ndodhi, pasi grupin e ka”.
Skënderbeu do të qëndrojë në Durrës, duke iu drejtuar Elbasanit pak para nisjes së finales. Mungesat e sigurta janë Salihi dhe Osmani, të përjashtuar nga Komisioni i Disiplinës. Tirana po qëndron larg vëmendjes së tifozëve dhe mediave, duke zhvilluar stërvitjet me dyer të mbyllura. Triumfi në Kupën e Shqipërisë edhe pse nuk do ta kthente në Superligë do ta dërgonte në Europa League.
Tv Klan
