Policia ka finalizuar një operacion anti-drogë si pasojë e së cilit u arrestuan 6 persona në 3 qytete të ndryshme të vendit si dhe u sekuestrua një sasi kanabis.
Konkretisht policia ka ndaluar 3 persona banues në Durrës, ndër to një 25-vjeçare e cila është punonjëse policie në Bashkinë Durrës (vëlla dhe motër), dy persona nga Poliçani si dhe kryeplakun e fshatit Çorrogjafë në Berat.
Gjithashtu u procedua në gjendje të lirë një 14 vjeçar, banues në Durrës.
Gjatë kontrollit të ushtruar nga Policia në banesën e një 43-vjeçari banues në Durrës dhe ambientet e tjera përreth saj u gjetën dhe sekuestruan në cilësinë e provës materiale 176.5 kg lëndë narkotike kanabis.
Në vijim të veprimeve hetimore u shpall në kërkim shtetasi E. Z., banues në Tërpan, Berat, (administrator i Njësisë Tërpan), për veprën penale “Shpërdorim detyre”, pasi nuk ka kontrolluar territorin dhe nuk ka dhënë informacion për kultivimin e bimëve narkotike.
Materialet i kaluan Prokurorisë pranë Gjykatës së Shkallës së Parë Berat, për veprat penale “Prodhimi dhe shitja e narkotikëve”, kryer në bashkëpunim dhe “Shpërdorim detyre”./ Opinion.al
