Barcelona e ka fituar Kupën e Mbretit në superfinalen ndaj Real Madridit, në finalen që u luajt në Sevilla dhe që zgjati 120 minuta. Koha e rregullt e ndeshjes përfundoi në barazim 2:2.
Joules Kounde realizoi gol në minutën e 116-të për festën e madhe të lojtarëve dhe tifozëve të gjigantit katalunas, duke e çuar rezultatin në 3:2. Pedri e kaloi në epërsi Barçën në minutën e 28-të me supergolin që e shënoi nga distanca. Kylian Mbappe i barazoi shifrat në minutën e 70-të. Ai realizoi gol të bukur nga goditja e dënimit.
Shtatë minuta më pas, Aurelien Tchouameni, i kaloi në epërsi “Mbretërit”. Gëzimi i madrilenëve nuk zgjati shumë pasi Ferran Torres e barazoi rezultatin në 2:2.
Është hera e 32-të që Barcelona fitoi këtë trofe. Këtë sezon ka fituar edhe Superkupën e Spanjës, edhe aty në finale mposhti Realin.
