Prej disa kohësh anëtaret e grupit të njohur “Spice Girls” janë rikthyer duke realizuar një tur muzikor me hitet e tyre të vjetra, por edhe këngë të reja.
Por Victoria Beckham nuk ka pranuar t’i bashkohet këtij turi për shkak të angazhimeve të saj personale dhe profesionale. Përveç rikthimit në muzikë vajzat e grupit të njohur kishin menduar të realizonin edhe një film të dytë, lidhur me të gjithë eksperiencën e “Spice Girl”.
Por duket se planet për diçka të tillë kanë ndryshuar pak. Ky film pritet të jetë të jetë i animuar dhe mësohet se Victoria ka pranuar të bëhet pjesë e tij bashkë me vajzat e tjera.
Sipas një përfaqësuese të “Paramaunt” ideja është prezantuar që në kohën kur po bëheshin planet për ribashkimin e grupit dhe se të pesta vajzat do të jenë pjesë e filmit.
Aktualisht katër vajzat e tjera Mel B, Mel C, Emma Bunton dhe Geri Horner, janë duke performuar në të gjithë Anglinë gati çdo javë dhe po bëhen gati për të përformuar për 3 netë rresht në Wembley./Opinion.al/
