Përveçse produksioneve të reja muzikore këto kohë këngëtarja Bebe Rexha është kthyer në një personazh që përpiqet të frymëzojë dhe të inkurajojë ndjekësit e saj për të mos u dorëzuar përpara vështirësive.
Pas intervistës të realizuar me “Cosmopolitan”, e cila pati mjaft komente Bebe ka ndarë një tjetër ndodhi të jetës së saj në rrjete sociale.
Ajo ka publikuar një email që daton në fillesat e karrierës, ku refuzonin bashkëpunimin me të.
“E mbaj mend kur mamaja më lexoi këtë ‘e-mail’. Më theu zemrën. Ishte një mënyrë e bukur për të thënë jo”,-ka shkruar ajo dhe më pas ka publikuar emailin ku thuhej se do të mbeteshin në komunikim të vazhdueshëm për të dëgjuar projekte të reja nga ajo.
Pas tij këngëtarja ka vijuar duke inkurajuar ndjekësit që të mos dorëzohen përpara një ‘jo’.
“Mos lejoni një ‘jo’ t’ju ngadalësojë hapin. Ndoshta nuk është koha e duhur. Ndoshta është diçka tjetër duke më e mirë për ju”,-ka përfunduar Bebe./Opinion.al/
