Të paktën 15 njerëz u vranë pasi një zjarr shpërtheu në një shtëpi që po përdorej si fabrikë në zonën e Metro Manila në Filipine, thanë autoritetet lokale.
Marcelo Ragundiaz, shefi i brigadës së zjarrit, tha se fëmija i pronarit të shtëpisë, mosha e të cilit nuk u specifikua, ishte në mesin e atyre që vdiqën nga zjarri në Quezon City. Të paktën tre persona ia dolën të dilnin nga ambjenti, duke përfshirë edhe pronarin e shtëpisë, tha ai.
Ragundiaz tha se prona po përdorej si një magazinë printimi bluzash. Ai tha se zjarri ka të ngjarë të ketë filluar në mes të ndërtesës, gjë që pengoi shumicën e atyre që ishin brenda të iknin.
CNN nuk është në gjendje të verifikojë detajet e incidentit në mënyrë të pavarur, pasi thirrjet në Byronë e Mbrojtjes nga Zjarri dhe emailet drejtuar autoriteteve lokale të Quezon City nuk u përgjigjën.
Qeveria e qytetit Quezon do të hetojë nëse pronari i shtëpisë ka shkelur kodet e ndërtimit dhe zjarrit, dhe nëse ata kishin leje për të përdorur pronën si një ndërtesë tregtare, raportoi CNN Philippines.
Kjo vjen vetëm disa ditë pasi 10 persona pësuan djegie dhe plagë si pasojë e një zjarri në një zonë banimi të Quezon City të dielën./Opinion.al
