FIFA ka publikuar ditën e sotme emrat e gjyqtarëve që ka caktuar për ndeshjen Lihtenshtejn – Shqipëri. Tre personat që do të vendosin ndrejtësi gjatë ndeshjes janë hungarezët Tamas Bonjar, 38-vjeç, që do të jetë edhe gjyqtari kryesor. Asistentët e Bonjarit do të jenë Vensel Toth dhe Zsolt Varga.
Kryesori Tamas Bognar nuk është i panjohur për futbollin shqiptar, pasi Shtator të vitit të kaluar, ai drejtoi sfidën e Grupit H të Europa League ndërmjet Skënderbeut dhe Besiktas, të luajtur në “Elbasan Arena”.Ajo ishte edhe ndeshja e parë në fazën finale të turneve madhorë të organizuar nga UEFA, ndërsa deri në ato momente bilbili hungarez kishte drejtuar ndeshje ndërkombëtare të kualifikueseve të Europianit 2016 dhe kualifikuese në Champions dhe Europa League.
