Detaje të tjera kanë dalë nga krimi i pasionit në Fier. “Panorama” zbulon, se bashkëshorti i Ermirës, i cili jetonte në Greqi, nuk kishte dijeni se si kishte ndodhur ngjarja.
Ai kishte ardhur deri në Fier, për të varrosur të shoqen. Mirëpo, atje i thanë se ajo ishte vrarë nga personi me të cilin kishte lidhje intime. Kaq ka mjaftuar që bashkëshorti ta mohojë gruan e tij dhe të mos pranojë që të tërhiqte trupin për t’i bërë një varrim të denjë. Po kështu, në krahun tjetër, “Panorama” mëson se bashkëshortja e Drini Dervenit mori pjesë në varrimin e bashkëshortit të saj, por ajo nuk kishte dijeni deri pas varrimit, se bashkëshorti i saj kishte lidhje intime me Ermirën.
