Një 19-vjeçar është vënë në pranga këtë të hënë nga policia pasi ka dhunuar një të mitur në Fier, pas një konflikti për motive të dobëta.
Policia bën me dije se është arrestuar shtetasi me inicialet E.R., 19 vjeç, banues në Strum, Roskovec.
“Arrestimi i këtij shtetasi u bë pasi gjatë pasdites së djeshme, në fshatin Strum, është konfliktuar fizikisht për motive të dobëta me shtetasin e mitur Sh. M., 13 vjeç, banues në Strum, Roskovec, duke i shkaktuar dëmtime të rënda në kokë”, njofton policia.
I mituri ndodhet në spital në gjendje të rëndë shëndetësore.
Materialet i kaluan Prokurorisë së Fierit për veprën penale “Plagosje e rëndë me dashje”./Opinion.al
