Një tjetër vatër zjarri është riaktivizuar në Darëzezë të Fierit pasditen e së shtunës, duke shkatërruar një sipërfaqe të madhe me pisha dhe mbushur zonën me tym.
Situata tashmë është jashtë kontrollit pasi flakët u përhapën me shpejtësi për shkak të erës së fortë që po fryn në zonë.
Forcat operacionale e kanë të pamundur të ndërhyjnë tashmë, për shkak të errësirës dhe dendësisë së pyllit.
Pylli me pisha i Darëzezës është vijimësi e masivit pyjor që ndodhet në bregdetin e Semanit, Darëzezës e Pishporos, me një densitet tepër të lartë.
Ndërkohë, sipas raportimeve, vetëm gjatë këtyre 5 ditëve, në këtë zonë janë djegur mbi 500 ha, teksa dëmet janë të mëdha.
