Ka vijuar edhe ditën e sotme protesta e naftëtarëve të Fierit dhe të Ballshit.
Mësohet se ata janë vendosur përpara Prefekturës së Fierit, duke bllokuar rrugën përballë institucionit.
Protesta është shoqëruar dhe me përplasje verbale mes naftëtarëve dhe kryetarit të sindikatës së naftëtarëve, Kamber Iliazi.
Punonjësit e uzinës së përpunimit të naftës kërkojnë pagat dhe sigurimet shoqërore.
“1200 punëtorë kanë mbetur në mes të rrugës, kërkojme lekët tona, nafta shkon në tregjet europiane dhe ne mbetemi pa bukë” thonë protestuesit.
