Mëngjesin e kësaj të hëne është gjendur i vrarë një 23-vjeçar në vendin e quajtur “Kthesa e Hamilit” në Fier.
Sipas policisë 23-vjeçari Florian Selimi ka ndërruar jetë si pasojë e një plage të marrë nga goditja me një mjet të mprehtë, goditje e cila, dyshohet ka ardhur për shkak të një konflikti.
Deri më tani policia ka shoqëruar disa persona për këtë ngjarje, ndërkohë që ende nuk është bërë identifikimi dhe kapja e autorit të vrasjes.
Njoftimi i policisë:
Sot rreth orës 07:00, në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti. Grupi hetimor po punon për zbardhjen dhe dokumentimin e kësaj ngjarje. Policia ka shoqëruar disa persona dhe po vijon puna për identifikimin dhe kapjen e autorit.
