Një 18-vjeçare është paraqitur në spitalin e Fierit pasi është plagosur me armë zjarri.
Dyshohet se e reja është vetëplagosur. Ngjarja ka ndodhur në lagjen “Liri Gero” në Fier. E reja është transportuar në spitalin e Fierit për të marrë ndihmë mjekësore.
“Rreth orës 17:30, shtetasja A. G., rreth 18 vjeçe, banuese në Fier, është transportuar në spital për ndihmë mjekësore, e dëmtuar me armë zjarri, jashtë rrezikut për jetën (paraprakisht dyshohet se është vetëplagosur me pistoletë)”, njofton policia.
Nuk dihen ende rrethanat që kanë çuar adoleshenten në këtë akt, ndërkohë që policia ka shkuar në vendngjarje për të zbardhur shkakun e vetëplagosjes.
Njioftimi i policise
Fier/ Informacion paraprak
Rreth orës 17:30, shtetasja A. G., rreth 18 vjeçe, banuese në Fier, është transportuar në spital për ndihmë mjekësore, e dëmtuar me armë zjarri, jashtë rrezikut për jetën (paraprakisht dyshohet se është vetëplagosur me pistoletë).
Shërbimet e Policisë kanë gjetur dhe sekuestruar armën e zjarrit.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut si dhe për dokumentimin ligjor të rastit.
