Dy persona kanë mbetur të plagosur mëngjesin e sotëm, pas një sulmi me thika që u është bërë në ambjentet e dyqanit ushqimor që kishin në pronësi. Ngjarja ka ndodhur në lagjen Nr.2, të Roskovecit, rreth orës 8:50 të mëngjesit të së dielës.
Sipas policisë të plagosurit janë B.H, 38 vjeç, dhe A.H, 28 vjeç, ndërsa mendohet se ngjarja ka ndodhur për motive të dobëta.
Policia ka bërë të mundur më pas kapjen dhe arrestimin e dy autorëve Enea Dyli, 18 vjeç dhe Kledis Dyli, 22 vjeç, banues në Roskovec, të cilët janë shoqëruar në stacionin e policisë Roskovec .
Të plagosurit ndodhen në spitalin Fier nën kujdesin e mjekëve, jashtë rrezikut për jetën.
