Një 64-vjeçar është vënë në pranga nga policia në Fier pasi dyshohet se ka ngacmuar seksualisht një vajzë të mitur 14 vjeçe.
Përmes një njoftimi policia bën me dije se është arrestuar shtetasi V. M., banues në Skrofotinë, Vlorë pasi dyshohet se në Levan ka ngacmuar të miturën.
“Specialistët për Hetimin e Krimeve në Komisariatin e Policisë Fier arrestuan në flagrancë shtetasin V. M., 64 vjeç, banues në Skrofotinë, Vlorë, pasi dyshohet se në Levan ka ngacmuar seksualisht një shtetase të mitur 14 vjeçe”, njofton policia.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale./Opinion.al
