Një 66 vjeçar banues në fshatin Dermënas ka ndërruar jetë si pasojë e një aksidenti në aksin rrugor Seman-Fier.
Personi me iniciale R.K ishte duke udhëtuar këtë mbrëmje me biçikletë kur një automjet i paidentifikuar e ka aksidentuar.
66-vjeçari ka ndërruar jetë në Spitalin Rajonal të Fierit. Sipas policisë po punohet për identifikimin e mjetit që është larguar nga vendngjarja.
Njoftimi i policisë:
Fier
Informacion paraprak
Sot rreth orës 20:55, në aksin rrugor Seman – Fier, një mjet i pa identifikuar duke lëvizur në rrugë ka aksidentuar shtetasin R.K, 66 vjeç, banues në Dermënas, i cili po lëvizte me biçikletë.
Si pasojë është dëmtuar shtetasi R.K i cili ka ndërruar jetë në Spitalin Rajonal Fier.
Në vendngjarje shkoi grupi hetimor dhe po punon për identifikimin e mjetit që është larguar, dokumentimin ligjor dhe sqarimin e rrethanave të kësaj ngjarje.
