Gjashtë persona të akuzuar për vepra të ndryshme penale janë vënë ën pranga nga Policia e Fierit.
Një 63-vjeçar me inicialet B. K.,është vënë ën pranga pasi është kapur në flagrancë nga shërbimet e Komisariatit të Policisë Lushnjë, në anë të rrugës automobilistike Lushnjë-Rrogozhinë, duke djegur me zjarr mbeturina dhe për pasojë zjarri i ka dalë nga kontrolli duke rrezikuar përhapjen në ambientet dhe bizneset që ndodheshin aty pranë.
Sakaq, D. N., 57 vjeç dhe B. N., 69 vjeç, janë arrestuar pasi gjatë kontrollit në fshatin Vreshtas, Fier, në oborret e banesave të tyre kishin kultivuar fidanë cannabis sativa.
Gjithashtu, gjatë kontrollit të banesës së shtetasit B. N., shërbimet e Policisë gjetën dhe sekuestruan një armë gjahu të cilën e mbante pa leje, si dhe 50 fishekë.
Një 32-vjeçar, banues në Fier është vënë në pranga pasi ka ushtruar dhunë fizike ndaj bashkëshortes së tij, ndërsa shtetasi Sh. M., 43 vjeç, banues në Levan është arrestuar pasi ka kërcënuar dhe kanosur shtetasen K. O., e cila ishte e pajisur me urdhër-mbrojtje ndaj tij.
Specialistët e Sektorit të Qarkullimit Rrugor në DVP Fier arrestuan në flagrancë shtetasin B. Ll., 42 vjeç, banues në Fier, pasi është kapur nga shërbimet e Policisë, duke drejtuar automjetin në gjendje të dehur./Opinion.al
