Një 42-vjeçar i quajtur Ermal Sino ka goditur me çekiç 55 vjeçarin, Qazim Hema, në qytetin e Fierit. Ngjarja ka ndodhur për motive të dobëta rreth orës 13:50, në lagjen “29 Nëntori”.
55-vjeçari ndodhet në spital nën kujdesin e mjekëve. Sakaq, policia ka shpallur në kërkim 42-vjeçarin dhe po punohet për kapjen e tij.
“Rreth orës 13:50, në lagjen “29 Nëntori”, Fier, dyshohet për motive të dobëta, shtetasi E. S., 42 vjeç, banues në Fier, ka goditur me sende të forta (çekiç), shtetasin Q. H., 55 vjeç, banues në Fier, i cili ndodhet në spital, në kujdesin e mjekëve. Është shpallur në kërkim 42-vjeçari dhe po punohet për kapjen e tij”-njofton policia.
Grupi hetimor po punon për zbardhjen e plotë të rrethanave të ngjarjes./Opinion.al
