Nëntë persona të arrestuar dhe një tjetër në kërkim. Ky është bilanci i një operacioni të koduar “Ndëshkimi”, nga policia e Durrësit. Mes të arrestuarve është dhe një efektiv policie, ndërsa sipas njoftimit zyrtar thuhet se është goditur një grup kriminal që merrej me mbjellje dhe tragik kanabisi.
Po ashtu janë sekuestruar edhe 3 armë zjarri, 5 armë gjahu dhe municion luftarak, ndërsa janë asgjësuar disa fidanë kanabis të kultivuar, në një zonë të pyllëzuar të fshatit Shqezë të Krujës.
Të arrestuar: V. B., 50 vjeç; R. B., 53 vjeç;Sh. X., 48 vjeç; M. K., 28 vjeç; K. K., 46 vjeç; B. I., 26 vjeç; F. K. , 58 vjeç; . B., 35 vjeç dhe efektivi i policisë H. P., 52 vjeç (me detyrë Oficer i Patrullës së Përgjithshme në Komisariatin e Policisë Krujë”.
“Këta shtetas në bashkëpunim me njeri-tjetrin, kanë kultivuar bimë narkotike në një zonë të pyllëzuar të fshatit Shqezë të rrethit Krujë. Gjithashtu, gjatë operacionit, si rezultat i kontrollit të banesave të këtyre shtetasve dhe ambienteve përreth tyre, Policia gjeti dhe sekuestroi 3 armë zjarri “pushkë”, 5 armë gjahu, municion luftarak dhe 17 aparate celulare. Vazhdon puna për dokumentimin ligjor të kësaj veprimtarie kriminale”, theksohet në njoftimin e policisë. / Opinion.al
