Aktualitet

Fevziu: Tendenca majtiste nuk e ka lejuar Kurtin të hapë një epokë


Bëhu pjesë e Grupit Zyrtar të Opinion.al
>> KËTU <<
               Publikuar në : 22:35 - 25/12/20 |
Doriana Çepunaj

Pas rrëzimit të qeverisë Hoti nga Gjykata Kushtetuese, Kosova po shkon në zgjedhje të parakohshme. Gazetari dhe drejtuesi i emisionit “Opinion”, Blendi Fevziu duke folur për këtë situatë të re politike, analizoi shkurtimisht rolin e Albin Kurtit dhe Lëvizjes Vetvendosje.

I ftuar në emisionin Zonë e Lirë në Tv Klan, Fevziu e ka konsideruar Albin Kurtin si një “makinë politike të jashtëzakonshme”, por tha se tendenca majtiste e tepruar e tij, nuk funksionon në Kosovë dhe nuk e ka lejuar Kurtin të hapë një epokë.

“Besoj që Kurti është në mënyrë absolute parti e parë në Kosovë. Albin Kurti ka një fushë gati të zbrazët në politikën e Kosovës për momentin. Që Albin Kurti është parti e parë në Kosovë, këtë nuk e diskutojmë dot më. A do jetë Albin Kurti të hapë një epokë të tijën përpara, kjo është vështirë të thuhet. Dilema e Albin Kurtit është kjo: Është partia më e votuar në Kosovë, është parti e madhe, është një prej njerëzve që në gjykimin tim është një kafshë politike në kuptimin pozitiv të fjalës. Është një makinë politike e jashtëzakonshme. Është nga politikanët më të vjetër në Kosovë, ka qenë aktiv që në vitin ’96. Gabimi i Kurtit, në gjykimin tim, është një tendencë majtiste e tepruar që nuk funksionon në Kosovë. Kjo tendencë majtiste nuk e ka lejuar Albin Kurtin të hapë një epokë. Sepse Kosova ka pasur epokën e Ibrahim Rrugovës”, është shprehur Blendi Fevziu./ Opinion.al

Pas