Mbrëmjen e kësaj të hëne në emisionin “Opinion” po trajtohen zhvillimet në Lindjen e Mesme pikërisht për ngjarjen më të fundit që ka marrë vëmendjen e gjithë botës: “Vendimi i Trump për Jeruzalemin, konflikt apo paqe!”
Me një panel analistësh dhe gazetarësh emisioni ka startuar edhe këtë mbrëmje teksa pritet që të sqarohen për publikun shqiptar pozicionet e SHBA, Izraelit dhe Plaestinës në këtë çështje. Atë që shfaqet në ekran jeni të gjithë duke e ndjekur, ndërsa në këto video do t’ju sjellim se çfarë ndodhi sonte në prapakuintat e Opinion.
Teksa jemi në sezonin e mandarinave dhe ato janë fruti i parapëlqyer për të gjithë, duket se të tilla janë edhe për stafin e “Opinion” i cili shfytëzon minutat para emisionit për të shijuar frutat e stinës.
Por ajo që bie në sy është se gazetari i emisionit Drini Zeqo është i vetmi që nuk po ha mandarina dhe shihet me duart në kokë. Asgjë nuk ka ndodhur, por sonte Drini ka patur një sërë materialesh dhe kronikash për transmetim, të cilat kërkojnë përqendrim, edhe për faktin se tema që po trajtohet është mjaft impenjative. I impenjuar duket edhe montazhieri Klevis Janina.
Nga ana tjetër drejtuesi i emisionit Blendi Fevziu, kryeredaktorja Desada Metaj, regjisori i emisionit Indrit Kasmi dhe gazetaret Manjola Bregasi dhe Dritan Laci shihen në ‘aksion’ me mandarina në duar. Elena dhe Sonila në rolin e paparacit për dje mbetën jashtë kamerave.
Shikoni në videot më poshtë disa momente tepër të shkujdesura të stafit të emisionit Opinion. /G.Z-Opinion.al
