Festivali i TVSH-së: Ja cilët këngëtarë do të marrin pjesë

Edicioni i 54-t i Festivalit të Këngës në RTSH, do të startojë edhe këtë vit në dhjetor në TVSH. Nën organizimin dhe drejtimin artistik të kantautorit dhe muzikantit të njohur Elton Deda, janë përzgjedhur 30 krijimet e reja muzikore dhe artistët të cilët do të jenë pjesë e 3 netëve të Festivalit. Ndër emrat e njohur të muzikës të cilët i rikthehen skenës së këtij festivali do të jenë këngëtarë si Eneda Tarifa, Kozma Dushi, Evans Rama, Luiz Ejlli, Voltan Prodani dhe Grupi Simbol.Sakaq nuk do mungojnë emra të njohur të kësaj decade si Kristi Popa, Entela Zhula dhe Niku, Erga Halilaj, Grupi Revolt Klan, Teuta Kurti, Flaka Krelani, Klajdi Musabelliu, Klodjan Kaçini dhe Rezarta Smaja, Florent Abrashi, Sigi Bastri, Lindi Islami, Jozefina Simoni, Renis Gjoka, dhe Adrian Lulgjuraj.Sipas traditës i përzgjedhuri i festivalit do të shkojë drejt Suedisë, ku në “Ericsson Globe” të Stokolmit do të zhvillohet e dhe Edicioni i 61-të i Festivalit Evuropian të Këngës. Edicioni i 53-të i festivalit u fitua nga këngëtarja Elhaida Dani, e cila e përfaqësoi Shqipërinë në “Eurosong” me këngën “I’m Alive”