Shkëlqim dhe madhështi, me vepra të realizuara vetëm nga dëbora dhe akulli. Bëhet fjalë për festivalin ndërkombëtar të Harbinit në veri të Kinës, që josh vizitorët me skulpturat gjigande, ku kryefjalë është fantazia dhe aktivitetet e shumta në borë dhe akull.
64 skulptorë vijnë nga 12 vende të ndryshme duke sfiduar temperaturat e ulëta, për të qënë pjesë e këtij konkursi vjetor që zhvillohet që prej vitit 1983.
Përveç ecjes në kështjellat gjigande prej akulli, vëmendjen e kanë tërhequr këtë vit shfaqjet me ndriçimet e veçanta apo dritat në 3D.
I konsideruar si një nga festivalet më të mëdha të dimrit në botë, Harbin Ice dhe Snow World zgjat nga 5 Janari deri më datë 5 Shkurt.
