Festë me alkool dhe drogë, gjendet i vdekur reperi i njohur

Një tjetër humbje në botën e muzikës. Reperi nga Roma, Vittorio Bos Andrei, i cili mori pjesë në edicionin e kaluar të ‘X Factor’ në Itali ka ndërruar jetë. Reperi 22-vjeçar, i njohur me emrin “Cranio Randagio” u gjet i pajetë në apartamentin e mikut të tij në lagjen “Balduina”, në kryeqytetin italian.  Ai kishte kaluar mbrëmjen me miqtë e tij dhe mëngjesin e së shtunës nuk është zgjuar më. Shokët e tij lajmëruan ambulancën në përpjekje për ta shpëtuar, por mjeku konstatoi se çdo ndërhyrje ishte e kotë, pasi 22-vjeçari kishte humbur jetën. Shkaqet e vdekjes mbeten ende të paqarta, por sipas mjekëve dyshohet se i riu ka përzierë alkoolin me drogë, raporton “Corriere della Sera”. Megjithatë pritet rezultati i autopsisë për të konfirmuar, shkakun e vdekjes./ Gazeta Express