Gjatë ditëve të fundit gati në të gjitha pikat kufitare të vendit është vënë re rritja e fluksit të ardhjes së emigrantëve për festat e fundvitit.
Në pikat kufitare të Kakavijës, Kapshticës dhe Porteve detare të Durrësit dhe Vlorës janë duke u përballuar numri gjithnjë e në rritje të personave që vijnë për të kaluar festat në Shqipëri.
Gati në të gjitha pikat kufitare është shtuar numri i sporteleve të përpunimit për të përballuar radhët e gjata. Fluksi më i madh i personave që vijnë shënohet në 2-3 ditët përpara Krishtlindjeve.
Sa i përket numrit të emigrantëve të ardhur krahasuar me një vit më parë duket se jemi në të njëjtat nivele. Në pikën kufitare në Kapshticë është shënuar numri më i vogël i hyrjeve krahasuar me 1 vit më parë me rreth 10%./Opinion.al/
